tiwala ay binagay, kaibigang tunay,
ngunit bakit ninakaw salaping taglay.
Patawad sa una'y aking binigay,
ngunit bakit ang kati'y sadyang taglay
sa pangalawa'y pinalipas ko man,
sapagkat perang nawala'y konti lang naman
ngunit bakit parang ika'y natuwa
mamahaling gamit pati saki'y kinuha
anu bang problema mahal kong kaibigan
nandirito naman ako para iyong sabihan
makakaasa kang hindi pababayaan
hindi mawari ang pinagdadaanan
mukang palaki na ng palaki ang pangangailangan
at nang ika'y makita at mahuli
ikaw ay di umamin sa iyong pagkakamali
sino nga naman ba ang aamin
sa kahihiyang tila kumain
ng pagkatao mong nakabitin
sa apoy na nagliliyab sa ilalim
ngunit kung ikaw ay sasabi
at magpapakumbaba
magsisisi ng lubos sa kasalanang nagawa
hindi ka lang masasagip sa badyang pagkawala
kaibiga'y sasalo sayo at di mapapariwara
pagpasensyahan sana kilos na nagawa
emosyon talagang hindi na mawala
sakit na dulot hindi dahil sa bagay na nawala
kundi sa pagkakaibigang tila BINALEWALA
No comments:
Post a Comment